Ալեն Դելոնին կթաղեն մատուռում՝ իր շների կողքին
Ալեն Դելոնին, իր կտակի համաձայն, կհուղարկավորեն Ֆրանսիայի հյուսիսում գտնվող մատուռում, որտեղ թաղված են նրա 35 շները: Այդ մասին հաղորդել է BFMTV-ն։
«Հուղարկավորությունը տեղի կունենա այն մատուռում, որտեղ նա ապրել է գրեթե կես դար։ Նա նախօրոք էր այդ վայրը ընտրել»,-ասված է հայտարարության մեջ։
Իր ողջ կյանքի ընթացքում Դելոնը, ով կենդանիների իրավունքների ակտիվ պաշտպան էր, ուներ ավելի քան 50 շներ: 2018 թվականին Paris Match-ին տված հարցազրույցում նա ասել է, որ եթե ինքը մահանա իր շան՝ Լուբոյից առաջ, ապա անասնաբույժը էֆթանազիայի ենթարկի կենդանուն, որպեսզի նրանք միասին հանգստանան։