Түркістанда "Экобазар" сауда кешенінде "Мектепке жол" акциясы аясында жәрмеңке өтті
Бүгін "Экобазар" кешенінде Түркістан қаласы әкімдігінің ұйымдастыруымен "Мектепке жол" акциясы аясында жәрмеңке өтті.
Жәрмеңкеге жергілікті 26 кәсіпкер қатысты. Сондай-ақ жәрмеңкеге қойылған кеңсе құралдары, балалардың мектеп сөмкелері, формалары мен аяқ киімдерді қолжетімді бағада тұрғындарға ұсынылды.
Шараның негізгі мақсаты – жаңа оқу жылына дайындық кезеңінде мектеп тауарларын нарықтық бағадан төмен бағада сатып алуға жағдай жасап, дайындықты жеңілдетуге бағытталған.
Айта кетейік, шара екі күнге жоспарланған. Аталған жәрмеңке шаһардағы "Экобазар" сауда кешенінде 20 тамыз күні сағат 09:00-18:00 аралығында жалғасады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!