Пхукетта җир шуышу сәбәпле һәлак булучылар арасында Россия кешеләре дә бар
Җомга иртән Таиландның Пхукет курорт провинциясендә көчле яңгырлар нәтиҗәсендә җир шуышкан (оползень). Табигый бәла-каза сигез кешенең үлеменә китергән, алар арасында Россиянең ике гражданины да бар. Бу хакта РИА Новости агентлыгы хәбәр итә.
Җир шуышу нәтиҗәсендә тау битендә урнашкан Карон районындагы вилла өлешчә җимерелгән. Виллада Россия гаиләсе яшәгән һәм персоналга хезмәт күрсәткән.
Һәлак булучылар арасында Мьянманың дүрт гражданины һәм бер Таиланд кешесе дә булган.
Башта Россия гаиләсенең хәбәрсез югалуы хакында хәбәр ителгән иде, әмма соңрак аларның һәлак булуы турындагы мәгълүмат расланды. Коткаручылар һәм полиция хезмәткәрләре фаҗига урынында җимерекләрне аралауны һәм эзләү операциясен дәвам итә.