Чистай районы башлыгы укучыларга мәктәп кирәк-яраклары тутырылган портфель тапшырды
Тиздән яңа уку елы башланачак. Гадәткә кергәнчә, Белем көне алдыннан республикада «Мәктәпкә җыенырга ярдәм ит!» хәйрия акциясе уза. Чистайлылар бу кампаниягә быел да актив кушылды. Муниципаль район башлыгы Дмитрий Иванов акциягә старт бирде. Бу хакта «Чистай-информ» хәбәр итә.
Ул Михайловлар гаиләсендә кунакта булды, яшь укучыларга букчалар һәм уку кирәк-яраклары тапшырды.
«Миша белән Лизаны чын күңелемнән якынлашып килүче уку елы белән котладым!» — дип язган Дмитрий Алексеевич социаль челтәрендәге сәхифәсендә.