Камал театры зур гастрольләр белән Мәскәүгә бара

10-15 сентябрьдә Россия дәүләт академия Кече театры сәхнәсендә Казанның иң өлкән театры – Г. Камал исемендәге Татар дәүләт академия театры гастрольләре узачак. Бу хакта Татарстан Республикасының Россия Федерациясендәге Тулы вәкаләтле вәкиллеге хәбәр итә.

Гастрольләр 10 сентябрьдә «Болганчык еллар. Мөһаҗирләр» спектакле («Алтын битлек» премиясенең «Иң яхшы зур формалы спектакль» һәм «Костюмнар буенча рәссам эше» номинацияләрендә җиңүче) белән ачып җибәреләчәк.

Шулай ук Камал театры түбәндәге спектакльләрне тәкъдим итә:

11.09 – «Бию пәрие» музыкаль комедиясе

12.09 – «Санаулы кичләр»

13.09 – легендар «Зәңгәр шәл»

14.09 – «Көзге кайтаваз» комедиясе премьерасы

Гастрольләр 15 сентябрьдә «Ситца туй» белән тәмамланачак.

Барлык спектакльләр дә татар телендә русчага синхрон тәрҗемә белән бара.