Britiske styresmakter startar gransking etter Oasis-billettsal
Styresmaktene i Storbritannia vil sjå på såkalla dynamisk prissetting etter at billettar til Oasis-comebacket dobla seg i pris medan fansen stod i kø.
Kulturminister Lisa Nandy seier til The Guardian at dei vil sjå på dette i samband med ein gjennomgang av marknaden for vidaresal av konsertbillettar.
Ticketmaster seier det er artistar, management og arrangørar som avgjer om dei vil ha dynamisk prissetting.
Formålet med ordninga er å gi fansen trygg tilgang til billettar, og at artistar skal kunne sette billettprisar tilpassa marknadsverdien, seier selskapet.
Oasis-billettane blei lagde ut for sal laurdag, og blei raskt utselt.