Мөфти Гайнетдин Нәфигулла Ашировны бүләкләү турындагы карарны имзалады
Россия мөселманнары Диния нәзарәте рәисе мөфти шәех Равил Гайнетдин Россиянең Азия өлеше мөселманнары Диния нәзарәте рәисе, Баш мөфтие Нәфигулла Ашировны «Казанышлары өчен» ордены белән бүләкләү турындагы карарны имзалады. Бу хакта Россия мөселманнары Диния нәзарәте матбугат хезмәте хәбәр итә.
Мөфти Нәфигулла Аширов 70 яшьлек юбилее уңаеннан күпьеллык хезмәте, ислам мәдәни һәм рухи-әхлакый кыйммәтләрен торгызуга һәм ныгытуга, шулай ук мөселман өммәтен берләштерүгә керткән зур өлеше өчен Россия мөселманнарының иң югары бүләгенә лаек булды.