Բայդենը կրել է Թրամփին աջակցող գրությամբ կարմիր MAGA գլխարկ (տեսանյութ)
ԱՄՆ նախագահ Ջո Բայդենը 2001 թվականի սեպտեմբերի 11-ի ահաբեկչության տարելիցին նվիրված միջոցառման ժամանակ կրել է նախագահական ընտրություններում հանրապետական Դոնալդ Թրամփին աջակցող գրությամբ (MAGA) Trump 2024 գլխարկը։ Այս լուսանկարը հրապարակել է Թրամփի նախընտրական շտաբը X սոցիալական ցանցում, գրում է Daily Mail-ը:
«Շնորհակալություն աջակցության համար, Ջո՛»,- գրել է ԱՄՆ նախագահի թեկնածուի մամուլի ծառայությունը։
Լուսանկարն արվել է Փենսիլվանիայի Շենքսվիլ քաղաքի հրշեջ կայան Բայդենի այցի ժամանակ, պարզաբանել է Սպիտակ տան մամուլի քարտուղարի տեղակալ Էնդրյու Բեյթսը։ Արտակարգ իրավիճակների ծառայության աշխատակիցների հետ զրույցի ժամանակ Բայդենը խոսել է սեպտեմբերի 11-ի իրադարձություններից հետո ազգային միասնության անհրաժեշտության մասին։ Այդ պահին Թրամփի կողմնակիցներից մեկն ասել է, որ Բայդենը պետք է կրի Թրամփին աջակցող գրությամբ գլխարկը: Նախագահը հագել է այն, նշել է Սպիտակ տան ներկայացուցիչը։