Brann på Minde i Bergen

Det brenn i det gamle «Meieribygget» som er under riving på Mindemyren i Bergen.

Klokka 17.47 melde Vest politidistrikt at ein patrulje hadde observert mykje svart røyk frå bygget i Kanalveien, og opne flammar frå 1. etasje.

Folk som bur i området vart bedne om å halde vindauga lukka.

Klokka 18.10 melder Vest politidistrikt at brannvesenet har nokonlunde kontroll på brannen. Dei har vore inne i 1. etasje og sløkt to brannar. Dei tar seg nå vidare oppover i bygget.

Politiet fekk inn fleire naudtelefoner om brannen.