Կոնտեն՝ Ա Սերիայի ամսվա լավագույն մարզիչ

«Նապոլի»-ի գլխավոր մարզիչ Անտոնիո Կոնտեն ճանաչվել է Ա Սերիայի ամսվա լավագույն մարզիչ, հաղորդում է լիգայի մամուլի ծառայությունը։

Սեպտեմբերին նեապոլիտանացիները երեք հանդիպում են անցկացրել Իտալիայի առաջնությունում։

 Կոնտեի թիմը հաղթեց «Կալյարիին» (4-0), ոչ-ոքի խաղաց «Յուվենտուսի» հետ (0-0) և հաղթեց «Մոնցային» (2-0): 13 միավորով «Նապոլին» գլխավորում է Ա Սերիայի մրցաշարային աղյուսակը:

55-ամյա մասնագետը «Նապոլի»-ն գլխավորել է հուլիսի սկզբին։ Մինչ այդ նրա վերջին աշխատավայրը եղել է «Տոտենհեմը», որն իտալացին լքել է անցյալ տարվա մարտին։