Миңнеханов социаль челтәрдә БРИКС саммитына килгән дөнья лидерлары фотоларын урнаштырды
Татарстан Рәисе Рөстәм Миңнеханов телеграм-каналында һәм «ВКонтакте» социаль челтәрендәге битендә БРИКС саммитында катнашу өчен Казанга килгән дөнья лидерлары фотосурәтләрен урнаштырды.
«Башладык! #БРИКС #BRICS2024», - дип язган фотолар янына республика җитәкчесе.
Фотода Кытай Халык Республикасы Рәисе Си Цзиньпин, Һиндстан Премьер-министры Нарендра Моди, Мисыр Президенты Абдел Фаттах әс-Сиси һәм Көньяк Африка Республикасы Президенты Сирил Рамафоса төшкән.
Элегрәк «Татар-информ» хәбәр иткәнчә, бүген Казанда уналтынчы БРИКС саммиты башлана. Ул өч көн дәвам итәчәк. Чара берләшмә катнашучысы булган илләр делегацияләре башлыкларының очрашу тантанасы белән башлана. Алар рәсми булмаган төшке ашка җыела.