Татарстанда ноябрь башы нормадан бер градуска җылы булачак

Татарстанда ноябрьнең беренче декадасында уртача һава температурасы климатик нормадан бер градуска югары була. Әлеге фаразларны республиканың Гидрометеорология үзәге таратты.

Республика өчен 1-10 ноябрьдә климатик норма -0,3 градус, ә Казан өчен +0,2 градус була. Шулай итеп, уртача температура 0,7 һәм 1,2 градус була.

Алдарак метеорологлар Татарстанда ноябрьдә температура һәм явым-төшемнәр буенча фараз ясаган иде.

Әлегә Татарстанда «Лидия» атлантик циклон килде. Республикада көчле җил аркасында шторм кисәтүе игълан ителгән иде. Төбәктә беренче кар яуды.