Миңнеханов Мәскәүдә Россиянең инновацион төбәкләре ассоциациясе советы утырышын уздырды
Татарстан Рәисе Рөстәм Миңнеханов 8 ноябрьдә Мәскәүдә «Россия Инновацион регионнары ассоциациясе» Россия субъектларының икътисади хезмәттәшлек ассоциациясе (АИРР) әгъзалары утырышын уздырды.
Республика җитәкчесенең матбугат хезмәте хәбәр иткәнчә, очрашуда катнашучылар АИРР эшчәнлегенә һәм аның алга таба үсешенә бәйле актуаль мәсьәләләр турында фикер алышкан. Аерым алганда, Владимир өлкәсен тәкъдим итү булды, аның җитәкчелеге төбәкне телгә алынган Ассоциация әгъзалары итеп кабул итү турында сорау белән мөрәҗәгать итте.
Утырышта Владимир өлкәсен АИРРга әгъза итеп алу өчен тавыш бирү булды.
Шулай ук яклар Россия Инновацион регионнары ассоциациясенә кагылышлы башка оештыру мәсьәләләре буенча да фикер алыштылар.
Миңнехановтан тыш утырышта Россия Президенты Администрациясе җитәкчесе урынбасары Максим Орешкин, Россия икътисади үсеш министры Максим Решетников, Россия мәгариф һәм фән министры Валерий Фальков катнашты.