Миңнеханов: Әниләр көнендә күп балалы һәм хәрбиләрнең гаиләләренә аеруча игътибар кирәк
24 ноябрьдә Россиядә Әниләр көне — гаилә учагын һәм традицион кыйммәтләрне саклаучылар бәйрәме билгеләп үтелә. Бу көнне махсус хәрби операциядә катнашучыларның аналарына, күп балалы гаиләләргә һәм ятим балаларга аерым игътибар бирү мөһим, дип мөрәҗәгать итте ТР Рәисе Рөстәм Миңнеханов дәүләт хакимияте һәм җирле үзидарә органнарына.
«Дәүләт хакимияте һәм җирле үзидарә органнарына махсус хәрби операциядә катнашучыларның аналарына, күп балалы аналарга, шулай ук ятим балаларга аерым игътибар бирергә кирәк», - дип белдерде Татарстан җитәкчесе ТР Хөкүмәте Йортында узган киңәшмәдә.
Ул шулай ук барлык татарстанлыларга да мөрәҗәгать итте, аларны әниләренә вакыт табарга, аларга рәхмәтләрен белдерергә өндәде.
Моннан тыш, 29 ноябрьдә республикада «республиканың дәүләтчелеген, күпмилләтле халыкның үзенчәлеген һәм гореф-гадәтләрен чагылдыра торган» рәсми символ - Татарстан Дәүләт флагы көне билгеләп үтелә.
Татарстан Рәисе республикада бәйрәмгә багышланган чаралар оештырырга кушты.