Առաջին պատասխանատուն Փաշինյանն է, ինքն է սխալ կադրեր նշանակել բանակում. Սամվել Բաբայան. Hetq.am
Ոչ մի բարեփոխում չկա, չեն էլ հասկանում ինչ անեն: Այս մասին Hetq.am-ի հետ զրույցում ասել է «Միասնական հայրենիք» կուսակցության նախագահ, Արցախի պաշտպանության բանակի նախկին հրամանատար Սամվել Բաբայանը՝ պատասխանելով բանակում տեղի ունեցող փոփոխություններին:
Զենքերի ձեռքբերման մասով Բաբայանն ասել է, որ մենք ունենք մարդկային ռեսուրսի խնդիր: Ֆրանսիական հրետանու համար օրինակ 6 հոգի մարդ պետք է աշխատեն:
«Առաջին պատասխանատուն է: Ինքն է սխալ կադրեր նշանակել բանակում, ինքն է այդ քաղաքականությունը վարել: Ոչ մեկը չի ասում, որ նա մեղավոր չէ»,- ասել է Բաբայանը:
«Երկար տարիներ վարվող քաղաքականության հետևանքով սպիտակ եղեռն ենք անում, երիտասարդները թողնում լքում են երկիրը, որովհետև 18 տարեկան երեխան այսօր տանել մի ամիս պարապելուց հետո տանել առաջին գիծ, զոհաբերել, սխալ եմ համարում:
Վաղուց առաջարկել եմ, որ պետք է դարձնել մի տարի, պետությունն օրենք ունենա, որ նրան ոչ ոք իրավունք չունի առաջին գիծ տանելու»,- ընդգծել է նա:
«Իշխող քաղաքական ուժը պատրաստվում է ընտրությունների և այդ հանումներով մեկնարկը տվեց, էլի են մարդիկ հանելու»,- ասել է Բաբայանը՝ վերջին օրերին տեղի ունեցող պաշտոնանկությունների մասին: