IDF: Forbyr libanesarar å vende heim til 60 landsbyar

Den israelske hæren (IDF) forbyr libanesarar å reise til ei rekke landsbyar i Libanon.

IDFs talsperson Avichay Adraee skriv på X at ingen får reise heim til over 60 landsbyar sør i landet.

– Dei som beveger seg sør for denne linja, set seg sjølv i fare, skriv han.

Onsdag gjekk Hizbollah og Israel med på våpenkvile som innebar at ingen av partane skulle opphalde seg sør for Litani-elva i Libanon, der tusenvis av libanesarar har blitt fordrivne frå heimane sine.

Torsdag skulda Israel Hizbollah for å bevege seg sør for elva, og Libanon skulda Israel for brot på våpenkvila då dei skaut inn i Libanon frå israelsk side av grensa.