Актаныш җитәкчеләре Саба һәм Минзәлә интернатларында тәрбияләнүчеләрнең хәлен белде

Бүген Актаныш районы башкарма комитет җитәкчесенең социаль мәсьәләләр буенча урынбасары Дилбәр Әнвәрова һәм «Игелек үзәге» җитәкчесе Лена Фазлыева сәламәтлекләре буенча Саба һәм Минзәлә районнарындагы интернатларда тәрбияләнүче якташ балаларның хәлләрен белде. Бу хакта «Актаныш» сайтында Ләйсән Газизова яза.

Язмыш тарафыннан кыерсытылганнар арасында балаларның да булуы бигрәкләр җанны телгәли. Гарип райондашларның аеруча авыр хәлдәгеләре махсус интернатларда тәрбияләнә.

Алар интернатларда тәрбияләнүче балаларның хәлләрен белде, тормыш-көнкүреш, дәвалану шартлары белән таныштылар. Балаларның өчесе Саба районындагы балалар психоневрология интернат йортында яши. Ә берсе Минзәлә районындагы «Тургай» приютында тәрбияләнә. Дилбәр Әнвәрова балаларга Актаныш районы башлыгы Ленар Зариповның бүләкләрен һәм ярдәмен тапшыруларын әйтте.