Өзгөндөгү айланма жол ачылды. Ташиевдин уулу долбоордон чыкканын жарыялады

Ар кыл талкууларга жем таштаган Өзгөн шаарын айланып өтүүчү кан жол 6-декабрда президент Садыр Жапаров баштаган жоон топ аткаминердин катышуусунда ачылды. Бул - Кыргызстандагы алгачкы акы төлөнүүчү каттам. Андан өтүү үчүн жеңил унаалардан 200 сом, жүк ташуучу машинелерден 700 сом алынат.