Чаллыда сүндерелмәгән тәмәкедән чыккан янгында ир-ат һәлак булган
Бүген Чаллыда Рәис Беляев проспектындагы 18нче йортта янгын чыккан.
Россия Гадәттән тыш хәлләр министрлыгының ТР буенча Баш идарәсе хәбәр иткәнчә, алтынчы каттагы фатирда әйберләр яна башлаган. Янгын сүндерүчеләр фатирдан аңында булмаган 54 яшьлек ир-атны алып ччыккан һәм ашыгыч ярдәм бригадасына тапшырган һәм янгынны сүндергәннәр.
Реанимация чаралары нәтиҗә бирмәгән, ир-ат аңына килмичә үлгән. Фаразлар буенча, фаҗига тәмәке тартканда саксызлык сәбәпле килеп чыккан.