Татарстанның бер авылында яшәүчеләр мәктәпнең авария хәлендә булуына зарлана
Татарстанның бер авылында яшәүчеләр Казаннан 20 километр ераклыктан урнашкан мәктәпнең авария хәлендә булуына зарлана, дип яза «Татар-информ».
Мәктәп стенасында ярыклар көн саен арта, түбәсеннән су үтә, штукатуркасы куба, бинага җылылык бирмиләр. Мәктәпнең куркыныч хәлдә булуына да карамастан, җирле хакимият шикаятьләрне кире кага, ә бинаны ремонтлауны 2026 елга күчергәннәр.
Россия Тикшерү комитеты башлыгы Александр Бастрыкин РФ Тикшерү комитетының Татарстан Республикасы буенча идарәсе җитәкчесе вазифаларын башкаручы Павел Олейникка тикшерү барышы һәм билгеләнгән шартлар турында доклад тәкъдим итәргә кушты.