Brukar tusenvis på å fjerna utståande auge på kunstverk

Nokon har klistra store, utståande auge på kunstverk i den amerikanske byen Bend i delstaten Oregon. Styresmaktene har mått bruka over 16.000 norske kroner på å fjerna auga, skriv NTB.

– Sjølv om dei utståande auga plassert på dei ulike kunstverka rundt i byen kanskje får deg til å humra, kostar det pengar å fjerna dei forsiktig for å ikkje skada kunsten, skriv lokale styresmakter i sosiale medium.

Fleire av innbyggarane, derimot, har lagt sin elsk på dei spøkefulle dekorasjonane.

– Me elskar dei utståande auga. Denne byen byrjar å verta så stiv. La oss ha det gøy, kommenterer ein person på innlegget til styresmaktene