Әлмәт инвестицияләр буенча иң яхшысы дип танылды
Әлмәт муниципаль районы «Инвестицион эшчәнлек буенча Татарстан Республикасының иң яхшы муниципаль берәмлеге» конкурсында җиңү яулады. Бу хакта «Әлмәт таңнары» район хакимиятенә сылтама белән хәбәр итә.
«2024 елның 9 ае нәтиҗәләре буенча Татарстанның төп капиталына инвестицияләр күләме 845,3 млрд сум тәшкил итте – бу 2023 елның шул ук чоры белән чагыштырганда 2,1 процентка күбрәк. Инвестицияләр күләме, бюджет акчаларын исәпкә алмыйча, 706,4 млрд сумга җитте», - дип билгеләп үтте ТР Инвестицион үсеш агентлыгы җитәкчесе Талия Миңнуллина.