Махсус хәрби операциядә катнашучы Чирмешән егетенең әнисенә инвалид коляскасы тапшырылды
Чирмешән районы Күтәмә авылыннан махсус хәрби операция зонасында хезмәт итүче Раил Шәрифуллинның әнисенә хәрәкәтләнү өчен инвалид коляскасы тапшырдылар. Бу хакта «Безнең Чирмешән» сайтында Марат Гомәров яза.
Сәләмәтлеге белән бәйле, Раушания Нәсыйх кызына хәрәкәт итүе кыен. Шунлыктан район Советы депутаты Юлия Николаевна Петрова аңа, кыска вакытлы ялга кайткан улы Раил аша, инвалид коляскасы бүләк итте.
«Әлеге ярдәмчел депутатыбызга бик зур рәхмәт», - диде район башлыгы Рамил Әйбәтов.