Сирияда козголоңчу топторду Коргоо министрлигине бириктирүү аракети жүрүүдө
Сириядагы козголоңчулардын лидери Ахмед аль Шараа (Абу Мухаммед Аль Жулани) шейшембиде козголоңчу топторду жоюп, аларды Коргоо министрлигинин алдына бириктирүүнү алардын лидерлери менен макулдашканын жаңы администрация билдирди.
Өткөн аптада сириялык өкмөт башчы Мухаммед аль-Башир аскердик мекемени өзгөртүп, анын курамына козголоңчу топтордун жана мурдагы президент Башар Асаддын армиясынан качып кеткен аскерлерди кошуу зарылдыгын билдирген.
Reuters агенттиги аль Шараанын алдында татаал тапшырма турганын, ал Асаддын кулаган режимине каршы чыккан козголоңчу топтордун ич ара чыр-чатактарына жол бербеши керектигин жазган.
Сириянын убактылуу өкмөтүнүн коргоо министри болуп “Хайят Тахрир аш-Шам” тобунун башында тургандардын бири Мурхафа Абу Касра дайындалды. Топ АКШда жана бир катар өлкөлөрдө террордук топ деп таанылган.
Аль Шараа Соңку күндөрү Дамаскка келген Батыш мамлекеттеринин дипломаттарын мурдагы бийликтен өч албай турганына же диний жана этникалык азчылыктарга кысым көрсөтпөсүнө ишендирүүдө.
Сирияны 25 жылдай башкарган Башар Асад 8-декабрда козголоңчу күчтөрдүн чабуулунун жыйынтыгында бийлигин таштап, өлкөдөн качууга аргасыз болгон.
Өткөн аптада сириялык өкмөт башчы Мухаммед аль-Башир аскердик мекемени өзгөртүп, анын курамына козголоңчу топтордун жана мурдагы президент Башар Асаддын армиясынан качып кеткен аскерлерди кошуу зарылдыгын билдирген.
Reuters агенттиги аль Шараанын алдында татаал тапшырма турганын, ал Асаддын кулаган режимине каршы чыккан козголоңчу топтордун ич ара чыр-чатактарына жол бербеши керектигин жазган.
Сириянын убактылуу өкмөтүнүн коргоо министри болуп “Хайят Тахрир аш-Шам” тобунун башында тургандардын бири Мурхафа Абу Касра дайындалды. Топ АКШда жана бир катар өлкөлөрдө террордук топ деп таанылган.
Аль Шараа Соңку күндөрү Дамаскка келген Батыш мамлекеттеринин дипломаттарын мурдагы бийликтен өч албай турганына же диний жана этникалык азчылыктарга кысым көрсөтпөсүнө ишендирүүдө.
Сирияны 25 жылдай башкарган Башар Асад 8-декабрда козголоңчу күчтөрдүн чабуулунун жыйынтыгында бийлигин таштап, өлкөдөн качууга аргасыз болгон.