Миңнеханов Татарстан балаларын якынлашып килүче Яңа ел белән котлады: Хыяллар чынга ашсын

ТР Рәисе Рөстәм Миңнеханов телеграм-каналында Республика чыршы бәйрәменнән фотолар белән уртаклашты һәм Татарстанның барлык балаларын якынлашып килүче Яңа ел белән котлады.

«Бүген бөтен Татарстаннан 17 меңгә якын бала Республика чыршы бәйрәмендә катнашты! Араларында махсус хәрби операциядә катнашучыларның балалары да булды. Алар белән аерым аралашып алдык. Бәйрәмдә шулай ук фән, спорт, мәдәният һәм иҗтимагый эшчәнлектә үзләрен яхшы яктан күрсәткән балалар катнашты», — диде Рөстәм Миңнеханов.

Татарстан лидеры билгеләп үткәнчә, республика акыллы, талантлы һәм сәләтле балаларга бай.

«Татарстанның барлык малай һәм кызларын якынлашып килүче Яңа ел бәйрәме белән котлыйм! Әти-әниләрегезнең сүзләрен тыңлагыз, тырышып укыгыз, сау-сәламәт һәм бәхетле булыгыз! Барлык өметләребез һәм тырышканыбыз аларга бәйле. Хыяллары тормышка ашсын!» — дип йомгаклады ТР Рәисе.