Чистайда 6нчы майда яңа пристаньга беренче теплоход киләчәк
Чистайда 6нчы майда яңа причал ачылачак. Иртәнге сәгать 8гә беренче теплоход киләчәк. Икенчесен 9нчы майда 13.00 сәгатькә көтәләр.
Бу хакта «Татар-информ» мәгълүмат агентлыгында матбугат конференциясендә Чистай дәүләт тарихи-архитектур музей-тыюлыгы директоры Светлана Скучаева хәбәр итте.
«6нчы майда бәйрәм булачак. Без тынлы оркестр, геройлар, фольклор коллективлар белән бәйрәм программасы әзерлибез. Причалдан ук туристлар Чистай үзенчәлекләре дөньясына кереп китәрлек булуын телибез», - диде Светлана Скучаева.
Мәйданы 597 квадрат метр булган яңа бер катлы пристань берьюлы 100ләп пассажир кабул итә ала. Биредә 22 җиңел машина, 6 автобус сыйдырышлы парковка, ял зонасы да каралган.