Казаннан Вьетнам курорт шәһәренә беренче туры рейс җибәрелде
«Red Wings» авиакомпаниясе Татарстаннан Вьетнамга беренче туры рейс башкарды. Самолет Габдулла Тукай исемендәге «Казан» халыкара аэропортыннан очып китте һәм Нячанг шәһәрендәге «Камрань» халыкара аэропортына уңышлы гына төшеп утырды.
Килеп җитүгә һава судносын авиация традициясе буенча су аркасы белән каршыладылар. Пассажирларны Вьетнам Мәдәният, спорт һәм туризм департаменты вәкилләре җылы каршы алды: кунакларга чәчәкләр һәм истәлекле сувенирлар тапшырылды, ә милли биюләр һәм тере музыка бәйрәм атмосферасы тудырды.
Яңа маршрут Татарстан халкына популяр Вьетнам курортларына күчеп утыруларсыз барып җитү мөмкинлеге бирә. Юл 9 сәгать чамасы дәвам итә.