Valet i Polen: EU-vennleg kandidat i tet i ifølgje valdagsmålingar

Det melder nyheitsbyrået AFP.

Den EU-vennlege sentrumskandidaten Rafal Trzaskowski ligg knapt i tet etter presidentvalet i Polen, ifølgje dei første valdagsmålingane.

Trzaskowski seier at landet treng å «få opp farten for å få på plass nødvendige endringar».

Trzaskowski er borgarmeister i Warszawa, og er alliert med statsminister Donald Tusk. Motstandaren hans er konservative Karol Nawrocki, som er støtta av det nasjonalistiske partiet Lov og Rettferd (PiS).

Sundag kveld åtvara han mot at statsminister Donald Tusk og den proeuropeiske regjeringa hans får for mykje makt.

Valet blir sett på som vegskilje for om Polen vil halde fram på den proeuropeiske kursen som statsminister Tusk har staka ut eller om landet vil vende tilbake til ein meir nasjonalistisk politikk.

Valet blir halde sundag 18. mai, og det er venta at det vil gå mot ein andre valomgang.