Марат Гыйрфанов Телеграмда Татарстан районнары башлыкларының активлыгы рейтингын җитәкли

Май аенда республика районнары башлыкларының шәхси Телеграм-каналлар активлыгы рейтингында беренче урынны Лениногорск районы башлыгы Марат Гыйрфанов алды. Аның активлыгын 2966,51 баллга бәяләделәр. Рейтинг «Еду в Татарстан | Статистика» Телеграм-каналы тарафыннан әзерләнгән.

Түбән Кама районы башлыгы Радмир Беляев 2757,23 балл белән икенче булды. Өченче урында - Буа районы башлыгы Ранис Камартдинов, аның нәтиҗәсе - 1356,46 балл.

Дүртенче позицияне Чаллы мэры Наил Мәһдиев 1345,92 балл белән алды. Аннары Яшел Үзән районы башлыгы Михаил Афанасьев килә, ул 1319,94 балл җыйган.

Алтынчы урында - Биектау районы башлыгы Равил Хисаметдинов (1233,87 балл), җиденче урында – Алабуга районы башлыгы Рөстәм Нуриев (1113,01 балл).

Алексеевск районы башлыгы Сергей Демидов 1037,89 балл белән сигезенче булды, тугызынчы урында – Нурлат районы башлыгы Дамир Ишкиниев, ул 789,41 балл җыйды.

Унлыкны Актаныш районы башлыгы Ленар Зарипов йомгаклый, аның нәтиҗәсе – 753,77 балл.