Ямал Пеленинг 66 йиллик рекордини такрорлади

Испания терма жамоаси вингери Ламин Ямал Францияга қарши Лига миллатлари ярим финалида дубл қайд этиб, жамоасига 5:4 ҳисобида ғалаба келтирди, деб euro-football.ru хабар берди.

Stats Foot маълумотига кўра, 17 ёшли испаниялик футболчи Пеле рекордини такрорлаб, 18 ёшга тўлмасдан Францияга учта гол урган илк футболчи бўлди. Унгача бундай натижага фақат бразилиялик Пеле эришган — у 1958 йилги жаҳон чемпионати ярим финалида Франция дарвозасига хет-трик қайд этган эди.

Ямал ушбу учинчи голни 2024 йилги Европа чемпионати ярим финалида киритган — ўшанда Испания Францияни 2:1 ҳисобида мағлуб этган.