Trafikkulukke i Hornindal – lange køar på staden

To personar er skadd etter ei ulukke i Hornindal i Volda. Ein person er alvorleg skadd, melder politiet. Luftambulanse er på staden.

– Ulukka framstår som alvorleg, seier operasjonsleiar Per Åge Ferstad.

Fire personar skal ha vore i personbilen. Dei skal ikkje vere fysisk skadd.

Ulukka har skjedd i 80-sona på Hornindalsvegen, som går mellom Hornindal og Hellesylt. Vegen er stengd i begge retningar.

Vegen er ein populær turistveg. Det er meldt om lange køar på staden.

– Vegen blir stengd i fleire timar framover, seier Ferstad.

Han rår folk til å velje andre ruter mellom Hornindal og Hellesylt.