Mann døydde etter utforkøyring i Sogndal

Ein mann omkom etter å ha hamna i Barsnesfjorden i Sogndal, ifølge politiet.

Bilen hamna på tre til fem meters djup. Han var aleine i bilen.

Bilen vart vinsja på land av brannvesenet.

Politiet fekk melding om ulykka 17.25. Det var vitne som såg at mannen køyrde gjennom autovernet og hamna på sjøen.

Fylkesveg 55 sør for Årøy var stengd i nesten tre timar på grunn av ulykka. Klokka 19.56 meldte politiet at bilen er henta av bilbergar, og at Årøyvegen er open for fri ferdsel.

Politiet har avhøyrt vitne til utforkøyringa.

Ulykkesgruppa til Statens vegvesen er varsla, opplyser operasjonsleiar Morten Rebnord i politiet.