«Hop on hop off»-buss i sjøen i Ålesund

Ein «Hop on hop off»-buss har hamna i sjøen i Ålesund.

Bussen har hamna i sjøen ved Nørvevika like før Ålesund sentrum, då bussjåføren skulle rydde bussen.

Ingen personar er involvert, melder politiet. Naudetatane er på staden.

– Vi har avhøyrt sjåføren, og vi opprettar sak, seier operasjonsleiar Tove Holst-Dyrnes.

Politiet har ikkje vore i kontakt med selskapet som eig bussen.

Det lek drivstoff frå bussen ut i vatnet. Brannvesenet jobbar med å få hindra spreiing av dette.

Bilbergar er på veg til staden. Politiet har ikkje informasjon om kor lang tid det vil ta å hente opp bussen frå vatnet.