Татарстанда кыска вакытлы яңгырлар көтелә, +26 градуска кадәр җылы булачак
25 июньдә Татарстанда алмашынучан болытлы һава көтелә. ТР Гидрометүзәге мәгълүматларына караганда, төнлә явым–төшем көтелми, көндез кайбер районнарда кыска вакытлы яңгыр явачак, яшен булуы һәм боз явуы ихтимал.
Җил көньяк-көнчыгыштан көньяк-көнбатышка таба секундына 6-11 метр тизлектә исә. Көндез урыны белән кыска вакытлы көчәю күзәтелә: секундына 15-20 метр тизлектә.
Төнлә температура +6...+11 °C, республиканың көнбатышында +14 ° C тәшкил итәчәк. Көндез +21... + 26 °C кадәр җылыначак.