Казансу сулык мәйданында су транспорты хәрәкәтен чикләячәкләр

Казанның Казансу елгасы сулык мәйданында су транспортын куллануга чикләүләр кертеләчәк. Бу триатлон буенча ярышлар уздыру белән бәйле. Бу хакта Казан мэриясенең матбугат хезмәте хәбәр итә.

Чикләү 25 июльдә 6:00 сәгатьтән 15:30 сәгатькә кадәр һәм 26 июльдә 5:00 сәгатьтән 15:00 сәгатькә кадәр Кремль дамбасыннан ярдан 600 метр ераклыктагы 3нче транспорт дамбасына кадәрге участокта гамәлдә булачак.

Тыю астына кече үлчәмле, җилкәнле, ял итү һәм спорт суднолары, шул исәптән гидроцикллар, байдаркалар һәм ишкәкле көймәләр эләгә, диелә хәбәрдә.