Моуриньо Азарни АПЛ Шон-шараф залига киритилгани билан табриклади
Собиқ "Челси" бош мураббийи Жозе Моуриньо Эден Азарни Англия Премьер-лигасининг Шон-шараф залига киритилгани билан табриклади.
"Эден, сени Премьер-лиганинг Шон-шараф залига киритилганинг билан табриклайман. Ҳамма биладики, сен бу эътирофни тўлиқ ҳаққоний топгансан. Сен мен бирга ишлаган энг ажойиб футболчилардан бирисан.
Энди эса Шон-шараф залидасан, бу эса сени абадий эслашларини англатади. Ва, айтганча, АПЛдаги сўнгги чемпионлик унвонимни қўлга киритишда берган ёрдаминг учун улкан раҳмат!" - дея Моуринонинг сўзларини лига матбуот хизмати келтириб ўтди.
Жозе Моуриньо айни дамда ўзининг ватани Португалияда "Бенфика" клубини бошқармоқда. Эден Азар 32 ёшида футболчилик фаолиятини якунлаган.