Франк Палиньянинг келажаги ҳақида гапирди
Лондоннинг "Тоттенҳэм" клуби бош мураббийи Томас Франк "Бавария" ярим ҳимоячиси Жоау Палиньяни сотиб олиш эҳтимоли ҳақида фикр билдирди.
"Ҳозирча Жоау бизни ҳар жиҳатдан қониқтирмоқда. Ёзда нима бўлишини кўрамиз", — дейди журналист Фабрицио Романо орқали Томас Франк.
Эслатиб ўтамиз, "Тоттенҳэм" ёзги трансфер ойнасидан 30 ёшли португалиялик футболчини Мюнхеннинг "Бавария" клубидан ижарага олган эди.
Палинья бу мавсумда "шпорлар" сафида барча мусобақаларда жами 17 ўйинда майдонга тушди, 4 гол урди ва 2 голли узатма амалга оширди. Transfermarkt маълумотларига кўра, Палиньянинг бозор қиймати 30 миллион еврони ташкил этади.