"Реал Мадрид" стадиони номи ва логотипи ўзгарди
Мадриднинг "Реал" футбол клуби ўз уй стадиони "Сантьяго Бернабеу"нинг янги номи ва логотипини тақдим этди. Энди стадионнинг номи оддийгина "Бернабеу" деб аталади.
Янги логотипда тўрт параллел лентадан иборат стадион тасвири, уларни кесиб ўтувчи вертикал чизиқ акс эттирилган. Стадион номининг ўзгартирилиши корпоратив ва маркетинг мақсадларига боғлиқ.
"Реал" жорий мавсумда Ла Лиганинг 12-туридан сўнг 31 очко билан турнир жадвалида етакчилик қилмоқда ва "Барселона"ни уч очкога ортда қолдирган.
Чемпионлар Лигаси доирасида эса мадридликлар тўртта ўйиндан сўнг тўққиз очко тўплаб, жадвалнинг тўққизинчи поғонасида бормоқда.