Сурхондарёда 4 машина тўқнашди: Isuzu, Жигули ва 2 та Nexia
30-ноябрь куни соат 13:45 да Сурхондарё вилояти Мирзаобод туманида тўрт автомобиль иштирокида йўл-транспорт ҳодисаси содир бўлди. Бу ҳақда Йўл ҳаракати хавфсизлиги бошқармаси хабар берди.
Ҳодиса «Душанбе-Тошкент» халқаро автомобиль йўлининг М-34 қисмида юз берган. Isuzu автомобили ҳаракатланаётган «ВАЗ-2101» ва икки Nexia-3 автомобили билан тўқнашган.
Оқибатда «ВАЗ-2101» ҳайдовчиси тиббий ёрдам учун мурожаат қилган. Воқеа юзасидан Мирзаобод туман ички ишлар бўлими суриштирув ишларини бошлади.
Сурхондарё вилояти ЙҲХБ барча ҳайдовчиларни йўл ҳаракати қоидаларига қатъий риоя қилишга чақирмоқда.