Ўзбекистонда бешта давлат банки хусусийлаштирилиши режалаштирилмоқда

Янгиланган “Ўзбекистон – 2030” стратегияси лойиҳасида 2030 йилгача мамлакатда бешта давлат банкини хусусийлаштириш режалари белгиланган. Ҳужжат жамоатчилик муҳокамаси учун эълон қилинган.

Режага кўра, жорий йилнинг ўзида тўққизта давлат банкидан биттасини сотиш кўзда тутилган. Иқтисодчи Отабек Бакиров 2026 йилда кичикроқ банклардан бири — Алоқабанк ёки Туронбанк хусусийлаштирилиши эҳтимолини қайд этди.

Шунингдек, Европа тикланиш ва тараққиёт банки 2026 йилда Асакабанк акцияларининг 15 фоизини сотиб олиши маълум қилинди. Бу қадам банкни хусусийлаштиришга тайёрлаш жараёнининг бир қисми сифатида кўрилмоқда.

2026 йил бошига келиб Ўзбекистонда тўққизта давлат банки фаолият юритади: НБУ, Агробанк, Ўзпромстройбанк, Асакабанк, Халқ банки, Бизнесни ривожлантириш банки, Микрокредитбанк, Алоқабанк ва Туронбанк.