Մերկասառույցի պատճառով երթևեկությունը կարող է դառնալ խիստ վտանգավոր. Երևանի քաղաքապետարան
Երևանի քաղաքապետարանը հորդորում է ցուցաբերել զգուշություն՝ եղանակային անբարենպաստ պայմաններից ելնելով: Հաղորդագրության մեջ մասնավորապես նշվում է.
«Հարգելի քաղաքացիներ,
Սպասվող ջերմաստիճանի կտրուկ նվազման հետևանքով մայրաքաղաքի ողջ տարածքում հնարավոր է մերկասառույցի առաջացում, ինչի պատճառով երթևեկությունը կարող է դառնալ խիստ վտանգավոր։
Հորդորում ենք ավտոմեքենաները օգտագործել միայն խիստ անհրաժեշտության դեպքում։
Զուգահեռ ԵԱՍՄ և ԿՇՄՊ համայնքային հիմնարկների տեխնիկական միջոցներն ու մարդուժը շարունակական ռեժիմով իրականացնում են ձնամաքրման ու փողոցները աղ ու ավազով մշակելու աշխատանքներ՝ ապահովելով մայրաքաղաքում անխոչընդոտ երթևեկությունն ու քաղաքացիների անվտանգ տեղաշարժը»:
The post Մերկասառույցի պատճառով երթևեկությունը կարող է դառնալ խիստ վտանգավոր. Երևանի քաղաքապետարան first appeared on MediaLab Newsroom-Laboratory.