Быелгы Fashion ифтарда дресс-код итеп зәңгәр төс билгеләнгән
2026 елның 14 мартында Казанда булачак Fashion ифтарда катнашучылар зәңгәр яисә ачык зәңгәр киемнән булырга тиеш. Бу хакта Fashion ифтар проектына нигез салучы Җәннәт Минһаҗева сөйләде, дип яза «Миллиард.Татар».
Аның сүзләренә караганда, юбилей ифтары татар мәдәниятенә, нәсел-тамырларына, шулай ук ирек темасына багышланачак.
Fashion Iftar Рамазан аенда мөселманнар өчен иң изге чорда үткәрелә. Чара 2017 елдан бирле бары тик хатын-кызларны гына җыя. Катнашуның мәҗбүри шартларының берсе булып дресс-кодны үтәү тора: кунаклар билгеле бер төстәге киемнән һәм башларын капларга тиеш.