Газа: Израил армиясы сокку уруду, Рафах бекети ачылды

Израил армиясынын Газа тилкесине жасаган аба соккуларынан кеминде 19 адам набыт болгонун анклавдын Саламаттык сактоо башкармалыгы билдирди. Израил соңку соккусун өз аскерлерине жасалган чабуулга жооп катары түшүндүрдү. Ал арада Газа менен Египеттин ортосунда ачылган Рафах өткөрмө бекетинен ары-бери каттагандар күтүлгөндөн аз экени кабарланды.