Իրան-ԱՄՆ բանակցությունների նոր փուլը տեղի կունենա Ժնևում․ Օմանի արտգործնախարար
ԱՄՆ-Իրան միջուկային համաձայնագրի շուրջ բանակցությունների նոր փուլը տեղի կունենա Ժնևում փետրվարի 26-ին, հայտարարել է Օմանի արտաքին գործերի նախարար Բադր ալ-Բուսաիդին: «Ես ուրախ եմ հաստատել, որ ԱՄՆ-Իրան բանակցությունները նախատեսված են հինգշաբթի օրը Ժնևում: Մենք վճռականորեն տրամադրված ենք լրացուցիչ ջանքեր գործադրել համաձայնագիրը վերջնականապես կնքելու համար», – գրել է Բադր ալ-Բուսաիդին X հարթակում: ԱՄՆ-ի հետ բանակցությունները տեղի են ունենում Վաշինգտոնի և Թեհրանի միջև ծայրահեղ լարվածության ֆոնին՝ Իրանի կառավարության կողմից հունվարին հակակառավարական բողոքի ցույցերը դաժանորեն ճնշելուց հետո։