Тошкентда сув тўпланган чорраҳа тозаланди
Жорий йил 9 мартдан 10 мартга ўтар кечаси Тошкент шаҳрининг Учтепа туманида ноқулай об-ҳаво шароити кузатилди. Кучли ёғингарчилик оқибатида Гулистон кўчаси ҳамда Тошкент халқа айланма йўли кесишмасида катта миқдорда сув тўпланиб қолди. Бу ҳолат автотранспорт воситаларининг эркин ҳаракатланишига вақтинчалик қийинчиликлар туғдирди.
Вазият юзага келгач, зудлик билан Фавқулодда вазиятлар вазирлиги ходимлари ва тегишли ҳамкор ташкилотлар вакиллари воқеа жойига етиб келишди. Махсус техникалар ёрдамида йўл қатнов қисмидаги сувлар тортиб олинди ва ҳудуд тозаланди. Ҳозирги вақтда мазкур чорраҳада ҳаракат хавфсизлиги тўлиқ таъминланган бўлиб, транспорт воситалари ҳеч қандай тўсиқларсиз ҳаракатланмоқда.