Покистон Кобулдаги шифохонага ҳаво зарбасини берди

Афғонистон расмийлари Покистон кучлари 16 март куни Кобул шаҳрида ҳаво ҳужумларини амалга оширганини даъво қилишди. Толибон ҳукуматининг вакили Забиҳулла Мужоҳид бу ҳужумни “жиноят ва ғайриинсоний ҳаракат” деб атади, деб хабар беради AFP агентлиги.

Associated Press маълумотларига кўра, зарба гиёҳвандларни даволаш марказига қаратилган бўлиб, камида 400 киши ҳалок бўлган ва тахминан 250 киши жароҳат олган. CNN хабарига кўра, ҳужум маҳаллий вақт билан соат 21:00 атрофида содир бўлган ва 2000 ўринга мўлжалланган бинонинг катта қисми вайрон бўлган.

Покистон ушбу айбловларни рад этди ва ҳужумларни “ёлғон ва чалғитувчи” деб атади. Ахборот вазирлиги баёнотида, зарбалар фақат ҳарбий иншоотлар ва террорчиларни қўллаб-қувватлаш инфратузилмасини, жумладан Афғонистондан фаолият юритаётган Покистон жангарилари базаларини нишонга олганини маълум қилди.

Икки мамлакат ўртасидаги можаро 22 февраль куни Покистоннинг “Теҳрик-э-Толибон” позицияларига ҳужум қилганидан сўнг авж олди. Ҳодиса халқаро ҳамжамият эътиборини қозонмоқда ва ҳудудий хавфсизлик масалаларини янада долзарб қилмоқда.