Ranqnik: “Layiqli qələbə qazandıq”
Avstriya millisinin baş məşqçisi Ralf Ranqnik Avro-2024-ün qrup mərhələsinin sonuncu turunda Niderlandı məğlub etdikləri görüşü şərh edib.
Futbolpress.az xəbər verir ki, mütəxəssis 3:2 hesabıyla qələbə qazandıqları matçla bağlı bunları deyib:
“Layiqli qələbə qazandıq. Daha istəkli idik və komandam çox enerjili göründü. Buraxdığımız qollardan sonra tez reaksiya göstərdik və şanslarımızdan yararlandıq. Mümkün olan ən çətin qrupu lider bitirdik. Bu, xüsusi bir şeydir”.