“Sabah”dan ayrılan futbolçu “Turan Tovuz”da

“Sabah”dan ayrılan Kristian Silva karyerasını “Turan Tovuz”da davam etdirəcək.

Futbolpress.az xəbər verir ki, braziliyalı futbolçu ilə 1+1 illik müqavilə bağlanıb.

Son olaraq “Sabah”ın şərəfini qoruyan yarımmüdafiəçi karyerası ərzində Braziliyada “Tuna Luso”, “Qoiatuba”, “Anapolis”, Kiprdə APOEL, Rumıniyada ÇFR, Portuqaliyada “Nasional”, “Pasuş de Ferreyra”, “Feyrense”, “Kasa Pia”, “Koimbra” klublarının formasını geyinib.