"Пакуль навучыўся, перабіў увесь посуд". Будаўнік навучыўся жангліраваць і лячыць дзяцей смехам

"Мне з дзяцінства падабаліся ўсякія віртуозныя справы. Нават у кіно вылучаў тых персанажаў, якія праяўлялі спрытнасць. Але рос у вёсцы, інтэрнэту тады не было, таму няма дзе было пачарпнуць для сябе нешта новае, - гаворыць субяседнік. - Пасля школы вырашыў ехаць у Мінск, паступаць у культасветвучылішча. Экзамены здаў, быў залічаны".