«Галівудзкія сюжэты не працуюць на беларускай глебе». Вялікая размова зь Югасяй Калядой

Першая кніга Югасі Каляды літаральна «выбухнула» ў 2005-м, калі аўтарцы было 24. Другая зьявілася праз амаль 20 гадоў і была ўзнагароджаная прэстыжнай літаратурнай прэміяй Ежы Гедройця. Свабода пагаварыла зь пісьменьніцай пра творчасьць, выгнаньне і мару вярнуцца ў Беларусь.

Югася Каляда нарадзілася ў Гомлі. У юнацкім узросьце друкавалася ў газэтах «Наша ніва», «Літаратура і мастацтва», часопісах «Дзеяслоў» і «Маладосьць». Яна кажа, што захапілася беларушчынай яшчэ ў канцы 1990-х. Тады ж і...